Kazetariaren lanik garrantzitsuenetarikoa elkarrizketa da. Buruz-buruko horretan ikusten da kazetaria hona ala txarra den, elkarrizketetan bakoitzaren sen eta inprobisaziorako abilidadeak garrantzia itzela baitute.
Hori argi edukiaz, Manu honek, Iñaki Perurenari egiten dion elkarrizketa lotsagarria da. Elkarrizketatzaileak, elkarrizketatuaren berri izan behar du, eta elkarrizketa mugituko den gaiaren inguruan jakintasun maila bat eduki. Bestela ez egin elkarrizketa, edo behintzat disimulatu, eta elkarrizketa dakizunari buruz egin.
Elkarrizketatuak, elkarrizketa kontrolpean behar du izan, eta elkarrizketatuak uneoro esango duenari susmoa hartu, hurrengo galdera zein izango den jakiteko. Manu honek ez du horrelakorik egiten, eta behin kaketan sartuta dituelarik hankak, hauek atera eta garbitu beharrean gehiago hondoratzen ditu.
No hay comentarios:
Publicar un comentario